مسعود بارزانی
ماڵپەڕی فەرمی
ماڵپەڕی فەرمی
پێنجشەممە 5 ئازار 2026
پەیامی هاوخەمیی سەرۆک بارزانی بۆ کۆچی دوایی سەعید خەلیل خۆشەڤی
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی پێشمەرگە و تێكۆشەری دێرین (سەعید خەلیل خۆشەڤی)ـمان پێ گەییشت كە كوڕی قەهرەمانی ناودار و سیمبوڵی خەبات و بەرخودانی دەڤەری بارزان، خەلیل خۆشەڤی بوو.
پرسە و سەرەخۆشیی خۆم ئاراستەی بنەماڵەی شۆڕشگێڕ و شەهیدپەروەر و شوێنكەوتووی ڕێباز و عەقیدەی بارزان، خۆشەڤی سێلکی دەکەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خواڵێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون
مسعود بارزانی
5ی ئاداری 2026
