مسعود بارزانی
ماڵپەڕی فەرمی
ماڵپەڕی فەرمی
چوارشەممە 29 تشرینی دووەم 2023
سەرۆک بارزانی پێشوازی لە کونسوڵی گشتی فەرەنسا لە هەولێر دەکات
ڕۆژی چوارشەممە 29ی تشرینی دووەمی 2023 لە سەڵاحەددین سەرۆک مەسعود بارزانی پێشوازی لە بەڕێز یان برێم کونسوڵی گشتی نوێی فەڕەنسا لە هەولێر کرد.
لەو دیدارەدا سەرۆک بارزانی بەبۆنەی دەستبەکاربوونی وەک کونسوڵی گشتی فەرەنسا لە هەرێمی کوردستان پیرۆزبایی لە بەڕێز یان برێم کرد و هیوای سەرکەوتنی بۆ خواست.
هەر لە دیدارەدا تیشک خرایە سەر دۆستایەتی نێوان گەلی کوردستان و گەلی فەڕەنسا، هەروەها جەخت لە پەرەپێدان و بەهێزکردنی پەیوەندییەکانی نێوان هەردوولا کرایەوە.
