مسعود بارزانی

ڕۆژی یەكشەممە ١٣ـی ئاداری ٢٠٢٢ سەرۆك مەسعود بارزانی لەڕێی تەلەفۆنەوە پەیوەندی بە سەماحەتی سەید موقتەدا سەدر كرد.

لەو پەیوەندییەدا بیروڕا لەبارەی پەلاماری مووشەكیی شەوی ڕابردوو بۆ سەر هەولێر ئاڵوگۆڕ كرا و، هەردوولا لەسەر ئەوە ڕێككەوتن كە لیژنەیەكی لێكۆلینەوە بۆ دەرخستنی ڕاستییەكان پێكبهێندرێت لەسەر ئەو ئیدعایەی كە گوایە بارەگای ئیسرائیلی لە هەولێر هەن و كراوەتە بیانوو بۆ پەلاماردانی هەولێر.