مسعود بارزانی
ماڵپەڕی فەرمی
ماڵپەڕی فەرمی
سێشەممە 24 حوزەیران 2025
سەرۆک بارزانی پێشوازی لە کونسوڵی گشتیی ئوردن دەکات
ڕۆژی سێشەممە 24ی حوزەیرانی 2025 لە سەلاحەددین سەرۆک مەسعود بارزانی پێشوازی لە بەڕێز (فواد خازر المجالي) کونسوڵی گشتیی شانشینی ئوردن کرد.
لە دیدارەکەدا کە کونسوڵی گشتیی ئوردن بەبۆنەی کۆتایهاتنی ئەرکەکەی و بۆ ماڵئاوایی سەردانی سەرۆک بارزانیی کردبوو، پێزانینی بۆ ڕۆڵی سەرۆک بارزانی لە قووڵکردنەوەی پەیوەندیی و دۆستایەتیی نێوان هەرێمی کوردستان و وڵاتەکەی و هەروەها ئارامی و سەقامگیری لە هەرێمی کوردستان و عێراقدا هەبوو.
هەر لەو دیدارەدا سەرۆک بارزانی وێڕای دەستخۆشی بۆ ئەرک و ماندووبوونەکانی کونسوڵی ئوردن بۆ پەرەپێدانی پەیوەندیەکانی نێوان هەدوولا هیوای سەرکەوتنی بۆ خواست.
