Mesûd Barzanî

Êvara roja Înê, 31ê Cotmeha 2025an, Serok Barzanî serdana bazara kevn a Zaxoyê kir û ji wir jî derbasî Qesra Zaxoyê ya kevn bû. Herwiha dîmena kornîşa Zaxoyê dît.

Dîroka Qişleya Zaxoyê vedigere hezar û heftsed û bîst sal beriya niha. Ev cih di dema rejîma hilweşiyayî de ji bo îşkencekirin û êşandina welatiyên sivîl dihat bikaranîn. Niha jî Hikûmeta Herêma Kurdistanê Qişleya Zaxoyê ya kevn bi şêweyekî çandî nûjen kiriye û bûye cihê geştyariyê, bi hezaran kes ji bo dîtina wê serdana Zaxoyê dikin.

Serok Barzanî di vê serdanê de kêfxweşiya xwe ji bedewî û avadaniya Zaxoyê anî ziman û destnîşan kir ku "Xelkê Zaxoyê heqê vê xizmetê ne ku ji bo wan hatiye kirin." Piştî wê, Serok Barzanî serdana gundê Sipî kir û dîmena Zaxoyê ji cihên bilind ve dît. Herwiha çavên wî bi hejmarek welatiyan ket ku serdana Zaxoyê kiribûn û bi beşek ji welatiyan re wêne kişand.