Roja dûşem 21ê Eylûla 2020 Serok Mesûd Barzanî li peywendiyeke telefoniyê da ji bo koça dawî ya xanima (Pirşeng Reşîd Abdulkerîm) hevjîna Şêx Ce'fer Şêx Mistefa, serxweşiyê li Şêx Ce'fer Şêx Mistefa Cîgirê Serokê Herêma Kurdistanê kir û hevxemiya xwe pê ragihand.
Bi helkefta derbasbûna pêncih sal li ser damezrandina Yekîtiya Zanayên Ola Îslamî ya Kurdistanê pîrozbahiyeke germ li Endamên Mekteba Tenfîzî û Encûmena Navendî ya Yekîtiya Zanayan û hemû mamostayên ola pîroza Îslam li Kurdistanê dikim.
Gelek mixabin welatî Dara Reuf ku Kurdî nîştecihê bajarê Bexdayê bû, ew bi xwe û xanim û keça xwe bi awayeke dirindane li Bexda hatin şehîd kirin.
Pêncih û neh sal berî niha li rojekê wekî îro mezintirîn şoreşa siyasî û çekdarî û civakiya gelê Kurdistanê li Iraqê da bi navê berevanîkirina li mafên rewayên gelê Kurdistanê hilpêkir. Şoreşa mezina Eylûlê şoreşeke seranseriya hemû navçeyên cûda cûdayên Kurdistanê û hemû çîn û tiwêj û hemû pêkhatên olî û neteweyiyên Kurdistanê bû. Her çende destkeft û xebat û têkoşîna gelê Kurdistanê ji wê demê heta niha heye hemû encam û berdewamiya hêz û berfirehiya şoreşa mezina Eylûle.
Bi xem û kovaneke mezin nûçeya koça dawî ya siyasetmedar û têkoşerê navdarê gelê me û endamê berê yê serkirdayetiya Partiya Demokrata Kurdistanê (Elî Sincarî) gihîşt me. Xwedê jêrazî Elî Sincarî bi dirêjahiya temena xwe û xebata xwe ya siyasî de li şoreşa Eylûl û Gulan û qonaxa piştî raperînê da Pêşmerge û kesayetiyeke xwedî helwest û wefadarê rêbaza Partî(PDK) û Kurdayetiyê bû. Herdem li xebat û têkoşîna siyasî û cemawerî da erkên xwe dilsozane bi cîh gihandiye û ji destdana wî ziyaneke mezine.
Tawana Enfala Behdînan berdewamiya wan zincîre tawan û karesatan bû ku rejîma berê yê Iraqê bi mebesta qirkirin û ji navbirina gelê Kurdistanê li salên heştiyên sedsala bîstem da li navçeyên cûda cûdayên Kurdistanê encam da. Li 25ê Tebaxa 1988 heta 6 Eylûla 1988 da beşeke zêdeyê navçe û gundên devera Behdînan ketine ber helmeta nemirovaneya kîmyabarankirin û girtin û kuştin û veguhestin û enfala welatiyên bê tawan ji aliyê hêzên rejîma wê demê ya Iraqê da. Bi hezaran kes şehîd û bêserûşûn û koçber kirin û sedan gund jî rûxandin.
