Mesûd Barzanî

Roja Çarşemiyê, 19ê Cotmeha 2025an, li bajarê Dihokê, Serok Mesûd Barzanî pêşwaziyê li şandeke nûnerên Konfederasyona Revenda Kurdistanî kir.

Di hevdîtinê de, Serok Barzanî destnîşan kir ku doza neteweya Kurd li ser rûyê her tiştî ye û giringîdana bi revenda Kurdistanî li derve di çarçoveya vê stratejiyê de ye.

Her di civînê de, Serok Barzanî bal kişand ser girîngiya Konfederasyona Revenda Kurdistanî ku li derve roleke mezin di warên zanistî yên curbicur de dilîzin û di vî warî de şopa wan diyar û berçav e.

Di beşeke din a civînê de, Serok Barzanî bal kişand ser dîroka tevgera rizgarîxwaza Kurdistanê û îradeya gelê Kurd ya bi navê man û neman û parastina nasnameyê û têkoşîna li dijî zordestiyê de. Herwiha behsa rola aştiyane ya gelê Kurdistanê kir ku her dem pêşwaziyê li her hewleke aştiyê kiriye û ti carî êrîşkar nebûye. Ev yek jî wiha kiriye ku Kurdistan bibe herêmeke girîng ji bo pêkvejiyana aştiyane ya di navbera hemû ol û mezheban de û divê ev çand bê parastin û bê bikaranîn.

Serok Barzanî di berdewamiya axaftina xwe de, behsa metirsiyên maddeyên hişbir kir li ser Herêma Kurdistanê, ku dijmin bi plan û bername hewl didin belav bikin û ragihand ku divê pir bi tundî rûbirûyî wan bibin. Di heman demê de, bi girîngî behsa gavên xizmetguzariyê yên Hikûmeta Herêma Kurdistanê kir di warên av, elektrîk û rêyan de.

Serok Barzanî piştgirî û alîkariya xwe ji bo pêvajoya aştiyê li Tirkiyê dubare kir û bi giringî zanî ku hemû Kurdistanî kar bikin ji bo ku dostên zêdetir ji bo doza rewa ya gelê Kurdistanê peyda bikin.