Mesûd Barzanî

Roja dûşema 11 ê Tebaxa 2025 li Selaheddînê, Serok Mesûd Barzanî pêşwaziya şandeke Şêxan û kesayetiyên hozên parêzgehên Iraqê kir.

Li vê hevdîtinê de Serok Barzanî bi germî bixêrhatina şanda mîhvanan kir û rola hozên Iraqê li parastina aştiya civakî û ruhê pêkvejiyana li navbera zarok û gedeyên niştimanî de bilind nirxand.

Her li vê hevdîtinê de şanda mîhvan tekez li ser baweriya xwe ya bihêz ya li ser yekrêziya Iraqiyan kirin û wekî bingeheke ji bo aramiyê û her wiha diyaloga wan jî wekî baştirîn rêya çareserkirina kêşeyan dane zanîn. Her wiha şanda mîhvan piştgîriya xwe ji bo nêrîna lêvegera bilinda olî ya li Necefa Eşref dûpat kirin ku çek tenê li destê dewletê da bê û yasa destbilind bê û dadperwerî li navbera welatiyan de pêkbê. Her wiha şanda mîhvan her cûre destêwerdana derekî ya li karubarên Iraqê de red kirin û tekez li wê yekê kirin ku Iraqî ew şiyana wan heye ku kêşeyên xwe li rêya diyalog û hevdû qebûlkirinê û dûrî berekiyên herêmî û dewletiyan çareser bikin.

Li dawiya hevdîtinê de, beşdarbûyan tekez li ser berdewamiya hemahengî û peywendiya li navbera pêkhatên Iraqê û karkirina bi navê Iraqeke federalî û aram û bextewer kirin ku ji Hewlêr heta Basra û ji Mûsil heta Nasiriye têda parêzgeriyê li kerameta hemû welatiyan tê kirin.