Mesûd Barzanî

Roja pêncşem 21.12.2023 li Selaheddîn Serok Mesûd Barzanî pêşwaziya birêz Madan Gopal Konsulê Hîndîstanê li bajarê Hewlêrê kir.

Li hevdîtinê de behsa rewşa siyasiya Iraq û navçeyê û wan waran kirin ku dikarin li pêşxistina peywendiyên di navbera Herêma Kurdistan û welatê Hîndîstanê kar li ser bikin. Konsulê Hîndîstanê li Hewlêr, xwazyarê ewe bû ku peywendiyên di navbera her du aliyan li warê pêgihandina şiyanên mirovî û kûlturî û teknelojiya û pizîşkî de bêne pêşxistin.

Her li vê hevdîtinê de Serok Barzanî pêzanînên xwe ji bo serkirdeyên mezinên Hîndîstanê wekî Gandî û Nehro hebûn ku rola wan li palpiştîkirina gelên mezlûm û aştî û tebayî li cîhanê hebû û ragihand gelê Kurdistanê rêzekî taybetî ji bo gelê Hîndîstanê û kultûra firehî û pêkvejiyana Hîndîstanê heye. Li beşekî dinê civînê de Serok Barzanî bi kurtî li dîroka xebata gelê Kurdistanê xisterû û Konsulê Hîndîstanê jî rol û xebata Pêşmerge û gelê Kurdistanê ya bi navê azadî û rûbirûbûna terorê de bilind nirxand.