Mesûd Barzanî

Roja yekşema 3 ê Tebaxa 2025 li Selaheddîn Serok Mesûd Barzanî pêşwaziya birêz Tommaso Sansone Konsulê Giştî yê Îtalya li Hewlêrê kir.

Li hevdîtinê de Serok Barzanî balkişand li ser wê yekê ku Herêma Kurdistanê bi girîngiyê ve li peywendiyên xwe yên bi Îtalya re dinêre û herdem rola Hikûmet û gelê Îtalya beramber Herêma Kurdistanê bilind dinirxîne. Her wiha Serok Barzanî balkişand li ser rol û piştevaniya Îtalya ya Herêma Kurdistanê li şerê dijî terorîstên Da'îş û balkişand li ser wê yekê ku Herêma Kurdistanê piştevaniyên Îtalya yên ji bo Herêma Kurdistanê ji bîr nake.

Ji aliyê xwe ve Konsulê Giştî yê Îtalya tekez li ser piştevaniyên Hikûmet û gelê Îtalya yên ji bo Herêma Kurdistanê û pêşxistina peywendiyên di navbera Herêma Kurdistan û Îtalya li warên cûda cûda de kir.

Her li vê hevdîtinê de di derbarê pêşhatên dawî û rewşa siyasî û guhertinên li ser asta navçeyê û Iraqê û peywendiyên Hikûmeta Herêma Kurdistanê û Hikûmeta Iraqê û pêvajoya aştî li Tirkiye û aloziyên li Sûriyê de danustandina bîr û ramanan kirin.

Her wiha tekez li ser pêşxistina peywendiyên dostaneya di navbera gelê Kurdistan û gelê Îtalyayê de kirin.