Mesûd Barzanî

Roja yekşema 3 ê Tebaxa 2025 li Selaheddînê, Serok Mesûd Barzanî pêşwaziya birêz Hitoshi Ishizuka Konsulê Giştî yê nû yê Japonya li Hewlêrê kir.

Li hevdîtinê de Serok Barzanî pîrozbahiyê li Konsulê Giştî yê nû yê Japonya li erkê wî yê nû da kir û hêviya serkeftinê ji bo wî xwest. Serok Barzanî balkişand li ser wê yekê ku şaristaniyeta gelê Japonya xizmeteke mezin bi hemû mirovayetiyê gihandiye û li vî warî de roleke wan ya ber bi çav hebûye û amadehî û palpiştiya xwe û sazî û damezraweyên Hikûmeta Herêma Kurdistanê ji bo baştir kirina peywendiyên Herêma Kurdistanê bi Japonya re nîşan da.

Ji aliyê xwe ve Konsulê Giştî yê nû yê Japonya xweşhaliya xwe derbirî ku wekî Konsulê nû yê Japonya li Herêma Kurdistanê destbikar dibe û tekez kir ku Hikûmet û gelê Japonya li piştevanîkirin û girîngîdana bi peywendiyên di navbera Herêma Kurdistan û Japonya de berdewam dibe.

Her li vê hevdîtinê de di derbarê rewşa siyasî û guhertinên dawî yên li ser asta navçeyê û Iraqê de danustandina bîr û ramanan kirin û tekez li ser pêşxistina peywendiyên di navbera Herêma Kurdistan û Japonya de kirin.