Mesûd Barzanî

Roja yekşem 14.01.2024 li Selaheddîn Serok Mesûd Barzanî pêşwaziya Anu Saarela Balyoza nû ya Fînlenda li Iraqê kir.

Li hevdîtinê de Balyoza Fînlenda dilxweşiya xwe bi serdankirina Herêma Kurdistanê derbirî û aramî û pêşketinên Herêma Kurdistanê bilind nirxand.

Li dirêjahiya hevdîtinê de di derbarê guhertinên dawî yên li Iraq û navçeyê bi giştî û peywendiyên di navbera Herêm û Bexdayê de danustandina bîr û ramanan kirin û tekez li ser berdewamiya guftûgoyên ji bo çareserkirina kêşeyên di navbera Herêm û Bexdayê kirin.

Serok Barzanî spasî Balyoza Fînlenda kir û hêviya serkeftinê li erkê wê da xwest û spasî gel û Hikumeta Fînlenda kir ku li hevkarîkirina Herêma Kurdistanê û her wiha pesnê rola hêzên Fînlenda û Hevpeymanan ya li rûbirûbûna terorê û pêşkêşkirina hevkariyên ji bo Herêma Kurdistanê kir û balkişand li ser wê yekê ku Herêma Kurdistanê herdem hewl daye roleke ber bi çav li aramiya Iraqê de hebê.

Balyoza Fînlenda rol û ezmûna Serok Barzanî û Herêma Kurdistanê ya li asta navçeyê da bilind nirxand.