Mesûd Barzanî

Roja yekşema 10ê Tebaxa 2025 Serok Mesûd Barzanî li Selahedînê, pêşwaziya her yek ji birêzan Gwendelen Green Konsula nû ya Amerîka li Hewlêr û Steven Bitner Konsulê berê yê Amerîka li Hewlêrê kir.

Li hevdîtinê de Serok Barzanî hêviya serkeftinê ji bo her du birêzan Konsula nû ya Wîlayetên Yekgirtiyên Amerîka û Konsulê berê yê Wîlayetên Yekgirtiyê Amerîka li erkê wan yê nû de xwest û spas û rûmetên xwe ji bo Konsulê berê yê Amerîka hebû ku di dema karkirina li Herêma Kurdistanê de roleke ber bi çav li pêşvebirina peywendiyên di navbera Wîlayetên Yekgirtiyên Amerîka û Herêma Kurdistanê û karkirina hevbeş û çaksaziyên Wezareta Pêşmerge de hebû. Serok Barzanî balkişand li ser helwest û piştevaniyên Amerîka ya piştî koçberiya sala 1991 û ruxana rejîma berê ya Iraqê û şerê dijî terorîstên Da'îş û wê helwest û piştevaniyên Wîlayetên Yekgirtiyên Amerîkayê bilind nirxand.

Her li vê hevdîtinê de Konsulê berê yê Amerîka li Hewlêrê ji bo wê dema li Herêma Kurdistanê kar kiriye spas û rûmetên xwe derbirî û balkişand li ser palpiştiya Serok Barzanî û sazî û dam û dezgehên Hikûmetê yên ji bo bicîhkirina karên wan û tekez li ser peywendiya bi hêz ya di navbera Amerîka û Herêma Kurdistanê kir û balkişand li ser rewşa niha û hilbijartina paşerojê ya Encumena Nûnerên Iraqê û pêkanîna kabîneya nû ya Hikûmeta Herêma Kurdistanê û rola Serok Barzanî ya li asayîkirina rewşan li asta Iraq û Herêma Kurdistanê bilind nirxand.

Her wiha Konsulê nû yê Amerîka behsa rola Serok Barzanî kir û bi roleke efsaneyî wesif kir û tekez li ser peywendiya bi hêza berdewamî û dû aliyaneya di navbera Wîlayetên Yekgirtiyên Amerîka û Herêma Kurdistanê kir.

Guhertinên dawî û kêşeyên navçeyê û pirsa pêvajoya aştî li Tirkiye û rewşa Suriyê mijareke dinê vê hevdîtinê bûn.