Thursday 4 July 2019

Peyama serxweşiya Serok Barzanî ya ji bo koça dawî ya Fermande Sabîr Bêserî



Bi boneya koça dawî ya Emîd Sabîr Abdulrehman naskirî bi Sabîr Bêserî, Pêşmerge û Fermandeyê dilsoz û têkoşer û bavê Şehîd Keywan Bêserî, Serok Barzanî peyameke serxweşiyê pêşkêşî malbata xwedê jêrazî kir.

Bi navê xwedayê mezin û dilovan

Ji bo malbata rêzdar xwedê jêrazî Emîd Sabîr Bêserî

Bi mixabiniyê ve nûçeya koça dawî ya Pêşmergeyê şoreşa mezina Eylûl û Fermandeyê dilsoz û jêhatî, Kak Sabîr Bêserî gihîşt min.

Kak Sabîr ji bilî wê yekê ku hemû temena xwe dilsozane ji bo xizmeta gel û welatê xwe terxan kir, Keywanê kurê xwe yê tekane jî bi niştîman bexşî.

Li vê boneya xemgîn da, pirse û serxweşiyê pêşkêşî malbata we ya têkoşer û hevalên Kak Sabîr dikim û xwe bi hevbeşê xema we dizanim.

Ji xwedayê mezin lava dikim ruh û giyanê Kak Sabîr bi bihûşta fireh şad bike û sebir û hedarê bide hemû aliyek.

Inna Lilleh We Inne Ileyhî Racîun (Em Ji Xweda Hatin Û Emê Dîsa Vegerin Xweda)

Mesûd Barzanî
04.07.2019