مسعود بارزانی

به‌ناوی خودای به‌خشنده‌ و میهره‌بان

به‌بۆنه‌ی یادی له‌ دایكبوونی پێغه‌مبه‌ری مه‌زن ، حەزرەتی محه‌مه‌دولمسته‌فا (سڵاوی خوای لێ بێت) پیرۆزبایی له‌ هەموو موسڵمانانی جیهان و عێراق و موسڵمانانی كوردستان به‌تایبه‌تی ده‌كه‌م.

لە خودای مەزن داواكارم ئه‌م بۆنه‌ پیرۆزه‌ ببێتە هۆی قووڵتربوونی گیانی لێبورده‌یی و پێكه‌وه‌ژیانی ئاینی و نه‌ته‌وه‌یی و مه‌زهه‌بی لە سەرانسەری عێراق و ناوچەكەمان.

له‌ یه‌زدانی مه‌زن ده‌خوازین له‌م بۆنه‌ پیرۆزه‌دا ده‌رگای خێر و به‌ره‌كه‌ت و خۆشی به‌ ڕووی گه‌لی كوردستان و گه‌لانی ناوچه‌كه‌ بكاته‌وه و ئاشتی و سەقامگیری باڵ بەسەر جیهان و ناوچەكەدا بكێشێت.

والسلام علیكم ورحمة‌ الله وبركاته‌

مسعود بارزانی
١٧ـی تشرینی یەکەمی ٢٠٢١