ھەینی 11 تشرینی یەکەم 2019

پرسەنامەی سەرۆك بارزانی به‌بۆنه‌ی كۆچی دوایی نووسه‌ر و رۆژنامه‌وانی ناسراوى عێراقی عه‌دنان حوسێن



سەرۆك بارزانی، به‌بۆنه‌ی كۆچی دوایی (عه‌دنان حوسێن) نووسه‌ر و رۆژنامه‌نووسی ئازادیخواز و ناسراوی عێراقی، پرسه‌ و سه‌ره‌خۆشی خۆی ئاراسته‌ی خانەوادەكەی و سەرجەم رۆژنامه‌نووسان ده‌كات.

بەناوی خودای مەزن و دلۆڤان

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی نووسه‌ر و رۆژنامه‌نووسی خاوەن ھەڵوێست و ناسراوى عێراقی، (عه‌دنان حوسێن)مان پێگه‌یشت و زۆر خەمباری كردین.

كۆچكردوو دۆستێكی بەوەفای گەلەكەمان بوو و وەك كەسێكی ئازادیخواز و ڕاستگۆ‌، ھەمیشە به‌رگری له‌ مافە ڕەواكانی گه‌لی كورد و زوڵملێكراوان دەكرد.

لەم بۆنە خەمناكەدا سه‌ره‌خۆشی له‌ بنەماڵەی كۆچكردوو و تەواوی نووسه‌ر و رۆژنامه‌وانان و ھاوڕێیانی كۆچكردوو دەكەم و خۆم بە ھاوبەشی خەمتان دەزانم.

‌لە‌ خوای گه‌وره‌ دەپاڕێینەوە گیانی عەدنان حوسێن بە بەھەشتی بەرین شاد بکات و ئارامییش بەھەموولایەك ببه‌خشێت .

انا للە وانا الیە راجعون

مسعود بارزانی
٢٠١٩/١٠/١١