پێنجشەممە 6 شوبات 2020

سه‌رۆك بارزانی سه‌ره‌خۆشی له‌ خانه‌واده‌ی‌ عه‌تا شێخ حه‌سه‌ن ده‌كات  



 

به‌ناوی خودای مه‌زن و دلۆڤان

به‌ڕێزان خانه‌واده‌ی خوالێخۆشبوو عه‌تا شێخ حه‌سه‌ن

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی كه‌سایه‌تی دڵسۆز و نیشتمانپه‌روه‌ری سلێمانی و (وته‌بێژی ئه‌نجوومه‌نی سه‌ركردایه‌تی سلێمانی- هه‌ڵه‌بجه‌) پارتی دیموكراتی كوردستان(عه‌تا شێخ حه‌سه‌ن)م پێگه‌یشت.

سه‌ره‌خۆشی و هاوخه‌می خۆم ئاڕاسته‌ی خانه‌واده‌ و كه‌سوكار و هه‌ڤاڵانی خوالێخۆشبوو ده‌كه‌م و خۆم به‌ هاوبه‌شی خه‌میان ده‌زانم.

له‌ خودای میهره‌بان داواكارم خوالێخۆشبوو به‌ به‌هه‌شتی به‌رین شاد بكات و سه‌بر و ئارامی به‌ هه‌موو لایه‌ك ببه‌خشێت.

 

انا للە و انا الیە راجعون

 

مسعود بارزانی

6ـی 2ـی 2020