مسعود بارزانی

ڕۆژی سێشەممە ١١ـی ٩ـی ٢٠١٨ لە سەلاحەددین سەرۆک مەسعود بارزانی پێشوازی لە یان کۆبیچ نوێنەری تایبەتی سکرتێری گشتی ڕێکخراوی نەتەوە یەکگرتووەکان کرد.

لە کۆبوونەوەیەکدا دوایین پێشهاتە سیاسیەکانی نێو پرۆسەی سیاسی عێراق و هەنگاوەکانی دروستکردنی حکوومەتی تازەی عێراق و ڕۆڵی هەرێمی کوردستان لەوبارەیەوە تاوتوێ کرا و نوێنەری تایبەتی سکرتێری گشتی ڕێکخراوی نەتەوە یەکگرتووەکان بۆچوونی ڕێکخراوەکەی لەبارەی پرۆسەی سیاسی عێراق بۆ سەرۆک بارزانی خستە ڕوو.

هەڕەشەی تیرۆر و چۆنیەتی ڕووبەڕووبوونەوەی هزری توندڕۆیی و تیرۆر تەوەرێکی تری ئەو کۆبوونەوەیە بوو.