چوارشەممە 10 تشرینی یەکەم 2018

سەرۆک بارزانی ١٣ـیەمین پێشانگەی نێودەوڵەتیی کتێبی لە هەولێر کردەوە



ڕۆژی چوارشەممە ١٠ـی١٠ـی٢٠١٨، بە چاودێری و ئامادەبوونی سەرۆک بارزانی، لە شاری هەولێر، ١٣یەمین پێشانەگەی نێودەوڵەتیی کتێب، کرایەوە.

لە ١٣ـەیەمین پێشانگەی نێودەوڵەتیی کتێبدا، کە ژماره‌یه‌ك كونسوڵ و نوێنه‌رانی وڵاتان و به‌رپرسانی حكومی و كه‌سایه‌تی فه‌رهه‌نگی و ئه‌ده‌بی و نوسه‌ران، ئامادەی بوون، ٢٠٠ دەزگای چاپ و بڵاوکردنەوە، لە ٣٠ وڵاتەوە، هاتوونتە هەولێر وکتێبەکانی خۆیان نمایش کردووە.

سەرۆک بارزانی، دوای کردنەوەی پێشانگاکە، سەردانی جەند وەشانخانەیەکی بەشداری پێشانگایەکەی کرد.

پێشانگه‌ی نێوده‌وڵه‌تیی كتێب لە هەولێر، ساڵانه‌ ده‌زگای مه‌دا بۆ راگه‌یاندن و رۆشنبیری، به‌هاوكاریی حكومه‌تی هه‌رێمی كوردستان، ده‌كرێته‌وه‌.