مسعود بارزانی

ئەمڕۆ پێنج شەممە 16ـی8ـی2018 بە ئامادەبوونی سەرۆك مسعود بارزانی لە فێرگەی هێزەكانی فەرماندەی زێرەڤانی لە شار هەولێر مەراسیمی كۆتایهێنانی خولی(پێكەوەژیان)ـی سەردەستەی یەك بەڕیوەچوو. كە ماوەی 6 مانگە 174 سەردەستەی هێزی تایبەتی زێرڤانی خولی تایبەتی مەشقی سەربازیان ئەنجامدابوو.

لەو مەراسیمەدا كە وەزیری پێشمەرگەی حكومەتی هەرێمی كوردستان بەوەكالەت كەریم شنگالی و فەرماندەی هێزەكانی زێرەڤانی لیوا عەزیز وەیسی و نوێنەری هێزەكانی هاوپەیمانان و ژمارەیەك لە پەرلەمانتارانی پەرلەمانی كوردستان و بەرپرسانی حكوومەتی هەرێم ئامادەی بوون، چەند نمایشێكی سەربازی ئەنجامدرا، دواتر وەزیری پێشمەرگە وتارێكی پێشكەش كرد و باسی لە رۆڵی هێزەكانی زێرەڤانی لە شەڕی دژ بەداعش كرد و سوپاسی سەرۆك بارزانی كرد بۆ پشتیوانی بەردەوامی هێزەكانی پێشمەرگەی كوردستان.